Ver vídeo

#BilletesDeAquí

o comercio local é un proxecto de vida, que dá vida á cidade

Ver vídeo

Por que

Propoñémosche un trato. Comprar no pequeno comercio a cambio dun sorriso.

O fin do confinamento traerá un aluvión de descontos e rebaixas promovido polas grandes cadeas. Os pequenos comercios teñen as trastendas cheas de xénero que non puideron vender pero non poden competir coas súas ofertas para atraerte.

Por iso, #BilletesDeAquí non é unha promoción que che ofrece descontos ou algún beneficio económico. Seguro que algúns comerciantes teñen un detalle contigo pero ese non é o motor desta iniciativa.

#BilletesDeAquí é un movemento social que che pide compromiso e xenerosidade e a cambio non che ofrece nada material. Tan só a satisfacción de sentirte útil e contribuír a unha comunidade mellor. Pedimos o tu compromiso cun modelo económico a escala humana, que prima a economía local, as nosas cidades e os nosos veciños.

Colabora con #BilletesDeAquí. Estes días de confinamento busca un rato para pintar un billete. Escribe o nome da túa cidade e despois súbeo ás redes. Cóntanos onde o vas utilizar ou as túas razóns para sumarte á iniciativa.

En 2019 en España desapareceron 31 comercios de media ao día*

A irrupción de plataformas dixitais, a competencia insostible dos grandes almacéns, as cadeas de tendas e os novos hábitos de compra en internet ameazan a supervivencia do pequeno comercio. E se o escenario non era xa dramático dabondo para o sector, a Confederación Española del Comercio (CEC), estima que coa crise do coronavirus, un 20% dos comercios locais van ter que pechar. Isto tradúcese en 80.000 establecementos, cunha destrución de 240.000 empregos. **

Que facer

Queremos que cada cidade de España teña de man unha acción áxil que permita manter os billetes circulando na súa zona. Unha idea simple, aberta a todos e fácil de facer:

  • O diñeiro en metálico que gastamos nas tendas locais segue circulando na mesma zona polo menos tres veces antes de desaparecer na economía xeral.
  • Eses billetes crean economía circular e complicidade entre veciños consumidores e veciños comerciantes.
  • Se pagas en metálico, non hai comisións a terceiros que reduzan a marxe de beneficio do comercio local.
  • Comprar nas tendas locais é investir en ti mesmo, nos teus veciños, na túa cidade e na túa calidade de vida.

Como facelo

A idea é sinxela: colle un billete, transfórmao nun dos #BilletesDeAquí, e pono en circulación nun comercio local da túa contorna.

Con este simple xesto súmaste a un movemento cuxo obxectivo é beneficiar o comercio local e, por extensión, a toda a comunidade.

Ver vídeo
1.

Colle un billete de 5, 10, 20 ou 50 € e márcao escribindo o nome da túa cidade e o cancelo #BilletesDeAquí.

Faino nunha mesma cor e utilizando menos da metade do espazo do billete, de forma discreta. E por favor, tal e como cho amosamos na imaxe, non escribas encima dos números, letras e hologramas do billete, porque nese caso invalidarías o seu uso. Podes facelo a lapis, e así se despois de que o billete dea moitas voltas, alguén quere borralo, pode facelo.

2.

Tamén podes debuxar ou escribir algo que faga referencia á túa localidade.

Ilustra algún elemento recoñecible da túa cidade. Como pontes, portas, recunchos populares, ou personaxes ilustres. Ou escribe un poema inspirado na túa cidade.

Evita as mesmas zonas que apuntabamos no punto 1.

3.

Sácalle unha foto, e publícaa nas túas redes sociais co cancelo #BilletesDeAquí mencionando en que comercio queres gastalo.

4.

Compra con el algo chulo nesa tenda que tanto che gusta.

E se o tendeiro non coñece a iniciativa, cóntalla, e anímao a que comparta el tamén o billete nas súas redes, así poderemos descubrir por cantos comercios pasa o teu billete!

Está permitido?

Para non invalidar o billete, a Decisión do Banco Central Europeo de 19 de abril de 2013 (BCE/2013/10) sobre as denominacións, especificacións, reprodución, troco e retirada dos billetes en euro, sinala que:

“non se considerarán mutilados ou deteriorados é dicir, que serán válidos os billetes que o estean en menor medida, por exemplo, por presentar anotacións, números ou frases curtas”.

A acción #BilletesDeAquí ten carácter social. A realización das accións propostas pode supor que algúns comercios non acepten os billetes pintados.

Comerciante, súmate!

#BilletesDeAquí non tería sentido sen vós. Para que este movemento en favor do comercio local se faga grande, necesitamos a vosa complicidade, que se pode vehicular de distintas maneiras:

  • A máis importante: aceptando os #BilletesDeAquí.
  • Manténdoos en circulación, facendo que circulen por outros comercios.
  • Colgando no voso escaparate o distintivo que encontraredes aquí abaixo, co que amosaredes que vos sumades a esta acción.
  • Colocando no voso establecemento o póster cos motivos polos que comprar no comercio local, que podedes descargar tamén aquí abaixo.
  • Publicando nas vosas redes sociais o distintivo que encontraredes no botón Material para redes, co cancelo #BilletesDeAquí.
  • Compartindo os billetes que vos cheguen nas vosas redes socias co cancelo #BilletesDeAquí.